|
رد: فنجان قهوة وأحاديث الأحبة .
آه ياطير
خدني وبالعالي طيرني ،نساني فوق ضفاف وطني سورية
وغرد تغريدة للحرية
وارفع فوق جناحيك علم بلادي سورية
اركع بالأموي
واتوضأببردى ،،واترطب عالعاصي
يا طير خدني عادرعا ودارية وعالفيحا ،،بشامي المزة ،القابون وقدسية
في الشهبا الجميلية ،،ساحة سعد الله الجابري ،سيف الدولة ،ميسلون وسليمان الحلبي
قصر المأمون ،العزيزية وسليمانية
خدني لدير الزور ،البوكمال والبصرة الحزينة
جبل الزاوية جسر الشغور واللاذقية
خدني للسويدا والقامشلي
غرد بلغات العالم أسامي شهداء الحرية
لوح بالعالي وارفع علم بلادي
مجروح والله ياخي ،،نار الغربة حراقة
خلي دعسات ولادك سورية تفكك ألغام الغدر
ودمعات أمهات شهدائك تغسل همومنا اليومية
ياطير خدني لحمص ،،واشلحني على قلعة صلاح الدين ،اترهبن باقي هاعمر
خدني عالساحل ،،وعالزبداني ،،وغرد أغاني للحرية
يا طير آه لو يسمعوا كلامي
ويطيروا القبعات الزرق ،،وبأظافرهم يغرسوا شجر للحرية
نحن احرار يا طير خبرهم
نحن أحرار يا طير خبرهم
|