|
رد: في قهوة عالمفرق
أمسية سارة
لنرتعب قليلا، ونبتعد عن الرتابة، الإخوة الأكارم، نزولا عند رغبة أ.ميساء
على بالها ترتعب نبدأ على بركة الله
صرح مسؤول غير سماوي برغبة عزرائيل إقامة دولة يهودية في فلسطين
التي تم تهجير شعبها قسرا، وتشريدهم وتطفيشهم، زرعوا مية خيمة بدربهم
ومنحوهم أرقام لجوء وتعرف العالم من يومها على كلمة لاجئ فلسطيني
امتدت الأزمة بعدها وراح العالم دولة دولة يعترف بإسرائيل
كبرنا على هالرعب وصار عند الجارة السورية مشروع لاجئ من نوع ثاني
بيوم من الأيام كانت فلسطين بتحكي لسورية عن همها ، من كثر ما سورية
انهمت وحزنت حبيت ترطب على اختها فلسطين قالت لها تجي نقسم القمر أنا نص وأنت نص
وتقولوا كانت عم تقلها تعي نقصف العمر أنا من ميل وأنت من ميل
وصار في مشروع لاجئ سوري
طلعت جوليا بطرس بإطلالة غريبة تصرخ منرفض نحن نموت
ومنلاقي نص الشعب صار بالخيام والنص الثاني تحت القص
وبعدهم رافضين الموت
داهمهم صوت من بعيد منتصف ليلة عاصفة الثلج عالحدود عم يعلا وعلى خاصرة الوطن زنار صار
والشباب من بردهم تركوا الزناد وأخدوا يلعبوا بالثلج أملا بالدفء فقط
الخيام تسوت بالأرض الثلجية التي سببها هطول الثلج، فلسطين ما انسرت باللي عم تشوفوا وتسمعه
راحت تحكي لمصر شافت اسرائيل مستنفرة وفي صوت رصاص من طرف سيناء وبعدا بساعات
كانت مصر تستقبل شهداء من طرف سيناء وياعين صبي الدمع خليك سهرانة
وبقيت المدن العربية سهرانة تضامنا مع فلسطين ومصر وتونس واليمن والعراق
وحاليا مفكرين يسهروا مع دول الخليج خاصة بعد مشكلتهم مع قطر
مجال الرؤيا محدود ساعات الصباح بإمكان الأم تفقد ملامح أطفالها لأنه بعد الساعة الخامسة
لا كهربا ولا ضوء نهار، نورهم طفا الكهربا، ومحبتهم للقمر قرروا عدم استهلاك الكهربا!!!
ومن وسط الضباب والبرد يتحضرهم فيروز يا جبهة العالي قولوا ان شاء القمر يبقى مضوي وقمر
ولايطال عزه ضيم ولا قطع مي ولا كهربا
بترد صورايخ غزة خبطت قدمنا عالأرض هدارة نحن الأحبا والنا الصدراة
بلحظة يأس من فلسطين قررت ما تحاكي ولا دولة عربية، كل قطر مشغول بحاله ومو وحدها تحت الاحتلال
واتخذت قرارها بالعزلة ، وتغزل قصصها حكايات ترويها للأجيال بلحظة شي صحوة عربية
وهي يمحراب العزلة بتراسلها المغرب زعلي طول انا وإيالك وسنين بقيت جرب فيني انا انساك
ماقدرت نسيت،ولما حبيت فلسطين ترد السلام سمعت بدوي انفجار
على صدى انغام الشحرورة يمينا صيدا اشتقنالك استقنا لبيوتك وجبالك تخترق المجال الجوي
طيران اسرائيلي بيحلق فوق لبنان، ماحدا مهدي باله مثل تل أبيب، وفلسطين ما فيها تنادي الا حيفا
هي جزء من أرض فلسطين
وهيك دائرة مغلقة نحن فيها يوميا رعب ودماء
ونتابع لاحقا مستجدات الرعب
|