[ناجية عامر]

المكتوب ما منو هروب

جمعني معاه المكتوب
المكتوب ما منو هروب
هاذي حقيقة ماشي كذوب
هو بالذات كان عندي محبوب

لعب لعبتو الفاشلة
الضربة في الظهر ما ساهلة
دا ف لكلام وجاب
جمع الغلة و سد الباب


بدموع الحكرة
سقيت الأرض الحراثية
نقيت الحجر و قلبت التربة
عملت لنفسي القياس
بعدت من القريب
و عاشرت ولاد الناس

الساكني مجدوب
ف حديثو ديما مزروب
الحفرة محفورة
طيب القلب
نفسو مضرورة
مغلوب على أمرو
خطواتو مقهورة

مول النية ما يخاف
معاه الله ديما ف لكتاف