رشيد
وينك يا رشيد شايف شو عاملين اهل المغرب ؟
اشتروا منزل بمليونين دولار حتى يعملوه بيت ثقافة مغربي في القدس
يعني يا رشيد ما عاد الك حجة صار لك بيت عنا وبمليونين دولار ولسة
في حارة المغاربة ...
نصيرة
وينك ؟؟؟؟؟؟؟؟؟؟؟؟؟؟؟؟؟
سامعة الأخبار الحلوة اللي حكيتها لرشيد ؟؟
ياللا شيدي حيلك صار بدنا نشوفك بالقدس عنا
استاذة بوران
استاذة ناهد
الله يعطيكم العافية ويجزيكم كل الخير عن هالجهد الرائع والمميز
في الحقيقة حاسة الدمعة بدها تفر من عيوني
عم اعزم على القدس وانا ما بسترجي أعبرها
مو شي ببكي وبيطلع الروح ؟؟
لا حول ولا قوة الا بالله
على كل حال خلينا نحاول ناخذ النصف الممتليء من الكأس وهو انه القدس ورغم كل الصعوبات
راح تكون عاصمة الثقافة لهذه السنة وهذا بيعني كتير لأهل القدس خاصة ولاهل فلسطين عامة
ولكن كيف راح تم الأستعدادات وكيف راح اسرائيل تكون ردة فعلها وكيف راح يتجاوب وزراء
الثقافة العرب مع هذا الموضوع بتهيأ لي هذا لازم نفرد له ملف خاص لا يقل أهمية عن ملفات
التي افردت لغزة وللقضايا الوطنية الملحة
احبتي بانتظاركم هون ويا ريت هناك في القدس
ودمتم