فنجان قهوة
وشوي حكي
كلمات منثورة
بدون بكي
عيون الزرق بتيجي
والا ما بتيجي
هي شوية حكي ... شوية حكي
وفيروز معي متخبية وراااا قلبي وبتقول
( تشرب من فنجانك واشرب من عينيك )
عيون زرق ، خضر ، عسلي ، بني ، وحتى العيون السود حلوة
( قتلوني ، قتلوني ، قتلوني عيونها السود ) طوني حنا
العيون لونها ما بتغير مع العمر يعني معقول تكون زرقاء تصير خضراء....
مستحيل ... مع انه لون البشرة بتغير ولون الشعر بتغير بس يا سبحان الله
العيون الزرق بيضله زرق بس شو النظرة هي اللي بتتغير
بتكون حنونة ودافئة وعذبة وساحرة وشو بتصير ؟؟؟؟؟
شرسة ومكارة وخبيثة وهرابة .......
لكن بتظل تشرب من فنجانك واشرب من عينيك ياللي ما بدري شو صار لونهم هلأ
صحيح ... صحيح قلنا العيون لونها ما بتغير
الله يسامحك يا فيروز ما قلتي هيك ... قلت
( يا عاقد الحاجبين على الجبين اللجين ان كنت تقصد قتلي قتلتني مرتين )
معقول يكون قصدها العيون الزرق ؟؟ لا لا فيروز واضحة وصريحة ما عندها لف ودوران
أصلا هي شو بدها بعيون الزرق ، كانت عيون الرحباني معبية عليها الدنيا .
بس برضه قالت ( يا مرسال المراسيل عا الضيعة القريبة ، خذلي بدربك هالمنديل
واعطيه لحبيبي ) لكن ما قالت شو لون عيونه برضه ؟ خبيثة هالفيروز وبيطلع منها ..
لكن نكدة هي فيروز نكدة اجت على ايلول خص نص دون عن كل اشهر السنة
وحطت عينها عليه طيب ليش ؟؟ لأنها خبيثة ومتقصدتني
( ورقه الأصفر شهر أيلول ذكرني فيك ) بلشت تعترف بس ما جرأت تكمل
يعني شو ورقه الأصفر معناته عيون زرق .. خبيثة ما قلتلكم خبيثة
لكن شو بدنا بها الحكي ما تهنت فيه ولا نتفه
( يا ريت الريح اذا انت ما جيت ينساه الغيم وقمرها يضيع )
قلت الكم ما راح تتهنى فيه
ولسه شوفوا مسكينة وين وصل فيها الحال
( دق الهوى عالباب قلنا حبايبنا
قلنا الحلو اللي غاب جاي يعاتبنا
قمنا فتحنا الباب والشوق ذوبنا
تاري الهوى كذاب قصده يلاعبنا )
خرجك يا فيروز بتستاهلي قلنا لك من الأول مالك ومال عيونه
ورجعت تقول وتولول مسكينة
( أنا عندي حنين ما بعرف لمين ، ليلية بيسرقني من بين السهرانين )
يعني شو ؟؟ بريئة عاملة حالها مش عارفة
وبترجع بتعصب عليه وشو بتقول له
( ضاق خلقي يا صبي )
ما عادت تحملت مسكينة وقال شو مش فارق عندها
( تمرق علي تمرق ، ما بتمرق خير من الله )
لكن انكشفت لحالها ومن غير ما حدا يسألها
( زعلي طول انا واياك وسنين بقيت
جرب فيهن انا انساك ما قدرت نسيت )
والله حزنتني عليها وشفقتني وخاصة
( نطرت مواعيد الأرض وما حدا نطرني )
انا بقول لك يا فيروز
( لا انت حبيبي ولا ربينا سوى )
( وبكرة لا بد الدني ما تشتي لي احباب )
(وشتي يا دنيا شتي )
ولكن اوعك تبلي هذا الحكي
اصلا ما بعرف أعيده وكيف طلع معي ما بعرف
على فكرة انتو مش مقيدين بالعيون الزرق فيكم تحطو خضر
انا بحب الخضر.... اصلا مش عارفة مين اللي قال الزرق احلى
هي فيروز ما في غيرها
( يا ريتك هون حبيبي وريت
يكون نبيذ وشمع العيد
واكتب لك عا ورقة حتى اقول
ما في اقول )
ونلتقي مرة الجاي مع وديع الصافي
ودمتم