الحبيبة نصيرة
حقك علي التهيت بالشكوى ونسيت السؤال خالص خالص .
قبل كل شيء بقول لفريال ولسلوى لا بقى تغيبوا مرة تانية
واذا على القهوة حاضر انا بعملها براسي
قديه صرنا قرايب ؟
كتير نصيرة أو بالأحرى اخوة ومش بس أقارب
يعني انا بفوت وبحكي هون كتير وما بيخطر في بالي ولو لحظة انه انتوا ما تفهموا عليّ او ما تعذروني
أو ما تقدروا ظرفي مع العلم انه احيانا الواحد في نص عيلته في أشياء بيخبيها عنهم
شوفي نصيرة أقرب شيء للقلوب هو الحب بدون حب ما فيك تفوتي قلب حدا
وهون اذا بتلاحظي اللي بيجمعنا هو الحب والبساطة والعقل الناضج وهذه اشياء مهمة جدا بالتعامل
مع الآخرين ،، طبعا شخصيتك وثقافتك وخفة دمك وحضورك وتواجدك بتلعب دور ولكن الدور الكبير
هو البساطة والعفوية مع القدرة على احتواء الاخرين وحبهم وهذه أمور ليست سهلة بالمرة يا نصيرة
يعني اذا انت حبيت حدا بتحبي كلامه وبتحكيه وبتحبي اطباعه وبتطبعي فيها وممكن جدا تذوب شخصيتك
في شخصيته وهيدا طبعا في مراحل متقدمة وليس بهذه اللحظة ولكن ثقي نصيرة ان ما يجمعنا هنا هو
الحب
الصدق
البساطة
الرغبة الجامحة عند الكل في محاربة الغربة والعيش داخل أسرة
وبالتالي ان تجدي اسرة على مزاجك وتتناسب مع فكرك وثقافتك وتقدرك وتحترمك
هذا شيء لا يعوض وبالتالي انت لن تتدخري جهدك في الحفاظ عليها وتدعيمها
انا اعيد ما قال رشيد وكررتيه انت والذي اعتبره هو عنواني وهويتي
كل قلوب الناس جنسيتي
فلتسقطوا عني جواز السفر
واللي بقوله هلأ وهو أكيد انا ما بيهمني وين اعيش ولا شو هي هويتي
بيهمني اني ساكنة في قلوبكم وساكنين بقلبي
وانه المغرب عن جد لا تبعد عن البحرين ولا عن هولندا ولا عن كندا ولن اقول الخليج
لانه أكيد انا ناهد وسلوى هن حدودي
عن جد نصيرة الله لا يفرقنا وفعلا احنا قدرنا نعمل اسرة على ارض الواقع ما في منها
ادعوا معي الله يحفظنا من كل مكروه وما نتفرق وتضل قلوبنا على بعض وما نقسى أبدا
وعامر بحسكم احبتي واخوتي واسرتي واهلي في نور الأدب