[مازن شما]

[frame="13 98"]

لايطول غيابك

لايطول غيابك ... ثم اخذ عليه

لو تخليت عنى ... عنك قلبي ماتخلى

العذر والتعلل والحكي ... مانبيه

من تحرك فؤاده ... بالهوى ماتخلى

طبعي الصبر لكن وش عليه ارتجيه

من طويل الصبر يعقوب وايوب ملا

دامني حي عطني وش بقي نحتريه

مابي دموعك ...اللي عقب موتي تهلا

مابقي بالعمر مقدار ماراح فيه

كل مازل يومٍ ... يوم بالعمر ولى

مايعرف الجمر مثل الذي يكتويه

احد يدفا بناره ... واحد فيه يتصلى

يامن القلب حطيته براحة يديه

مارضى له مكان غير كفك محلا
كم تعذر وعيا عن هوى محتويه

لين طاح بيمينك بالغرام وتجلى

خالد الفيصل

[/frame]

الأخ الفاضل السيد مازن شما المحترم

قصيد رقيق يستجدي الحبيب بأبيات تحاكي العشق و الوجد و الشوق و الوفاء.

قصيد جميل حقاً

والأمير خالد الفيصل تعرّفت على شعره أيام إقامتي في المملكة, و هو فنان رسّام أيضاً.

كل التحية
مازن سلام

[خولة السعيد]

نداء جميل للحبيب حتى لا يغيب طويلا